Autonomia Estatutuko 18 artikuluak ezartzen du Euskadiri dagokiola Estatuko oinarrizko legeria garatzea eta betearaztea barneko osasunaren arloan. Eskumen hori dela eta, eman zen 396/1994 Dekretua, zentro, zerbitzu eta establezimendu sanitarioak irekitzeko, funtzionamenduan edukitzeko eta aldakuntzak egiteko baimenei dagokiena. Dekretu hori geroago osatu zen bi aldakuntzarekin eta hainbat garapen Agindurekin; bestalde, zentro, zerbitzu eta establezimendu sanitario guztiei aplikatu beharrekoa da, jabetza publikokoak izan zein pribatukoak, baldin Euskal Autonomia Erkidegoko lurraldean kokatuak badaude.

Zentroen, Zerbitzuen eta Establezimendu Sanitarioen Erregistroa, berauek sortzeko eta/edo funtzionatzeko baimena daukaten Euskadiko osasun zentro guztien laburpen edo zerrenda da. Izaera publikoa dauka; beraz, edozein herritarren eskumenera daude erregistroan inskribatu edo idatzi diren datu guztiak. Bakarra da Euskal Herriko Autonomia Erkidego guztirako, baina horrek ez du eragozten bere gestioa Osasun Saileko Lurralde Zuzendaritzetan era deszentralizatuan egitea, Osasun Plangintza eta Antolamenduko Zuzendaritzaren kontrol eta koordinazioaren pean.

Zentro eta establezimendu sanitario guztietako erregistro datuak, bai publikoetakoak eta bai pribatuetakoak, edozein mota edo izaeratakoak, baldin Euskal Herriko Autonomia Erkidegoko lurraldean kokatuak badaude.

Hainbat taldetan sailkatzen dira:

• Ospitaleak
• Atentzio espezializatuko zentroak
• Osasun zentroak
• Anbulantziak eta beste ekipo mugikor batzuk
• Organo, ehun, hezur, odol, eta beste gorputz fluido batzuen bankuak eta horiek lortzeko eta ezartzeko zentroak
• Laborategi klinikoak
• Asistentzia kontsultategiak
• Optikak
• Kabinete ortipedikoak
• Jarduera sanitarioak gauzatzen dituzten Prebentzio Zerbitzuetako zentro edo unitateak
• Audioprotesietako kabineteak (arautze espezifikoaren zain)

Osasun Plangintza eta Antolamenduko Zuzendaritzan eta Osauneko Lurralde Zuzendaritzetan gestionatzen da Zentro, Zerbitzu eta Establezimendu Sanitarioen Erregistroa, eta Osasun Sailari dagokio beronen ezaugarriak, betebehar eta baldintza material, funtzional eta instrumentalak ezartzea, bai eta bere informatizazioa ere.

Osasuneko Lurralde Zuzendaritzak arduratuko dira nor bere barrutian kokaturiko zentro eta establezimendu sanitarioen inskripzioak egiteaz, Osasun Plangintza eta Antolamenduko Zuzendsritzak horretarako ezartzen duen prozedursaren arabera.

Erregistroko hasierako inskripzioa ofizioz erabakiko da zentro, zerbitzu edo establezimendu sanitarioak sortzeko eta/edo funtzionamenduan jartzeko baimenaren ebazpenean.

Inskribaturiko zentro, zerbitzu edo establezimendu sanitarioen titularrak beharturik daude organo eskumendunari jakinaraztera baimen administratiborik behar ez duten erregistroko datuen aldaketak, horiek kreditatzen dituen dokumentazkioa aurkeztuz.