Entseiu klinikoak, indarrean dagoen legeriak ematen den definizioari jarraiki, gizakiengan helburu hauetarako egiten diren ikerkuntza oro dira: ikerkuntzan dauden medikamentu baten edo batzuen efektu klinikoak, farmakologikoak eta farmakodinamikoak zehaztu edo egiaztatzeko, kontrako erreakzioak detektatzeko edo ezaugarri farmakozinetikoak argitzeko, eta horren arabera berauen eraginkortasuna eta/edo segurtasuna determinatzeko. 

Gaur egungo araudiak ezartzen duenez, medikamentuei buruzko entseiu klinikoak egiteko ezinbestekoak dira Ikerkuntza Klinikoko Batzorde Etikoaren (IKBE), aldeko irizpena, entseiua gauzatuko den zentro bakoitzeko zuzendaritzaren adostasuna eta Medikamentuen eta Produktu  Sanitarioen Espainiar Agentziaren  baimena.
 
Urtarrilaren 11ko 3/2005 Dekretuaren bitartez, zeinaren arabera sortzen baita Euskal Herriko Autonomia Erkidegoko Ikerkuntza Klinikoko Batzorde Etikoa, funtzionamenduan jartzen da IKBE autonomikoa, medikamentu eta produktu sanitarioekin Euskadiko osasun zentroetan egingo diren entseiu multizentriko guztiak ebaluatzeko, bai eta Autonomia Erkidegoan kreditatuak dauden beste osasun zentro edo batzordeetatik era ezohikoan bidaliak direnekin. E-IKBE Eusko Jaurlaritzako Osasun Saileko Farmazia Zuzendaritzara adskribatua dago.

Zentro bakarreko entseiu klinikoak, Ikerkuntza Klinikoko Batzorde Etiko lokal kreditatuek ebaluatuko dituzte, eta horrezaz gain, euren zentroetan gauzatzen diren entseiu klinikoen segimenduaren funtzioa garatuko dute  E-IKBEarekin koordinaturik.  

Farmakoen garapeneko lehen faseetan eginiko entseiu klinikoek medikamentu baten eraginkortasun eta segurtasun profila ezagutzea ahalbidetzen dute, eta horren arabera ematen da merkaturatze baimena. Azterketa hauek kontrol zehatz baten pean egiten dira, eta horregatik jakin beharra dago nola erabiliko den farmakoa behin merkaturatu ondoren eta zer efektu eragingo dituen ohiko praktikan, baimen-osteko azterketen bitartez zehazten dena. Baimen-osteko azterketak deritze medikamentua merkaturatu ondoren egiten direnei, bere fitxa tekniko baimenduaren baldintzen arabera.

EAEan baimen-osteko azterketen burutzapena arautzen duen dekretuan, zeinak uztailaren 19ko 711/2002 Errege Dekretua garatzen baitu, ezartzen da medikamentuekin eta produktu sanitarioekin eginiko baimen-osteko prospektu-behaketa motako azterketek E-IKBEaren aldetik positiboki ebaluatuak izan behar dutela. 

E-IKBEaren jarduera barrutia

• Edo erabat edo partzialki EAEko osasun zentroetan medikamentu eta produktu sanitarioekin garatzen diren izaera multizentrikoko entseiu klinikoen ebaluazioa. 
  
• Ezohiko izaeraz, E-IKBaren irizpidea behar duten medikamentuekiko entseiu klinikoen edo ikerkuntza proiektuen ebaluazioa, honako hauek bidaliak direnean: Osakidetza-Euskal Osasun Zerbitzuko zentroetako Zuzendariek, EAEan kreditatuak dauden Ikerkutza Klinikoko Batzorde Etikoek edo Berrikuntza eta Ikerkuntzako Euskal Fundazioak. 
  
• Medikamentu eta produktu sanitarioekin prospektu-behaketa motako baimen-osteko azterketen ebaluazioa, Osakidetza-Euskal Osasun Zerbitzuko zentroetan egiten direnena zein EAEko jabetza pribatuko zentroetan egiten direnena. 
  

Bilkura egutegia

Ohiko bilkura hilabete bakoitzeko azkeneko asteazkenean egingo dira.

IKBE-E, erreferentziako batzorde gisa jardun behar duenean, batzordeko idazkaritzan azterketa jaso ondorengo hileko bigarren asteazkenean batzartuko da.

Bilkurak txandaka egingo dira Gasteizen, Bilbon eta Donostian.

Lehendakariak, Lehendakariordeak eta Idazkariak ohiz kanpoko bilkurak deitu ahal izango dituzte egoki deritzotenean.