Tabakoaren kontrolari dagokionez osasun arloko erakunde profesionalen praktika-kodea

1.- Haien kideak adoretu eta babestuko dituztela jokabide-eredu izan daitezen, tabakorik ez kontsumituz eta tabakorik gabeko kultura bultzatuz.

2.- Tabako-kontsumoaren jarraibideak eta jarrerak eta haien kideek tabakoaren aurka dituzten portaerak ebaluatu eta jorratuko dituztela, galdera-sorten eta egokiak diren politikak sartzearen bitartez.

3.- Haien erakundeetako lokaletan, eta ospatzen diren ekitaldietan, ez erretzea erabakiko dutela, haien kideen artean jokabide berbera izatera adoretuz.

4.- Garrantzitsuak diren eta osasunarekin zerikusia duten kongresu eta hitzaldi guztietako gai-zerrendek tabakoaren aurkako borroka barne hartuko dutela.

5.- Haien kideei, tabako-kontsumoari buruz eta tabako-kearen eraginpean dauden ala ez haien pazienteei eta bezeroei, modu sistematikoan, galdetzeko aholkua emango dietela, ebidentzian eta jardunbide egokietan oinarritutako metodoak erabiliz. Horrez gain, paziente eta bezeroei erretzeari uzteko moduari buruz hitz egingo dietela eta tabakoaren abstinentzia helburuen jarraipen egokia egingo dutela.

6.- Osasun-instituzioetan eta ikastetxeetan eragina izango dutela, tabakoaren aurkako borroka osasun-profesionalen ikasketa-programen barruan egon dadin, heziketa iraunkorraren eta bestelako prestakuntza-programen bitartez.

7.- Urtero, maiatzaren 31n ospatzen den Tabakorik gabeko Mundu Mailako Egunean parte hartuko dutela.

8.- Ez dutela tabako-industriarengandik datorren inolako laguntza motarik (finantzario edo bestelakorik) onartuko eta ez dutela tabako-industrian inbertituko, haien kideak modu berean jarduteko adoretuko dituztelarik.

9.- Haien erakundeak, tabako-industriarekiko elkarrekintzari dagokionez, interesen arteko gatazkari buruzko adierazpen edo politika bat aditzera ematen duela bermatuko dutela.

10.- Haien lokaletan tabako-produktuak saltzea edo sustatzea debekatuta egongo dela eta haien kideak modu berean jardutera bultzatuko dituztela.

11.- Tabakoa kontrolatzeko OMEren esparru-hitzarmenaren sinadura, berrespena eta inplementaziora bideratutako prozesuan gobernuen alde aktiboki arituko direla.

12.- Tabakoaren aurkako borrokari finantza-baliabideak eta bestelakoak eskainiko dizkiotela, praktika-kode honen inplementazioari zuzendutako baliabideak barne.

13.- Osasunaren sare profesionalek antolatutako tabakoaren aurkako borrokari buruzko jardueretan parte hartuko dutela.

14.- Tabako-kerik gabeko toki publikoak bultzatzen dituzten kanpainen alde egingo dutela.